POPMAZE (裝修中)

今日經開堅尼地城，前晚去open rice 睇吓有咩好嘢食，睇到衣間裝修擺設幾特別，野食賣相又唔錯，所以就嚟試一試。講番野食，我叫左煙肉芝士炒蛋漢堡，煙肉🥓真係好好味，咸咸脆脆，有別於平時食開嘅口感，個餐啲薯條🍟粗度剛好😋，外脆內軟，唔駛點茄汁都好好味，另外叫左杯🥤海洋伯爵茶梳打，上面放了一塊薄荷葉，無論味覺和視覺都好清新，未攪勻之前顏色好有層次，真係好有夏日海洋feel, 攪勻後，就變咗綠綠地色，都幾特別！哈哈！如果飲品再大杯啲就好喇！整體好滿意，可以Encore再嚟！