翠亨邨 (利舞臺廣場) (已結業)

姊妹飯局，"食神"姊妹選擇翠享村，對於她的選擇，從不曾懷疑，如果她有寫開食評，早已是殿堂食家！言歸正傳，講返野食。1.蘋果響螺煲豬展湯，很足料，火侯十足，好濃，飲左個喉嚨很舒服！正！4~6人份，但4個人每人可以飲4碗，淨飲湯都飽左！2.叉燒 比想像中大份，上菜時熱到燙口卻不似是即烤，我地懷疑係入微波爐番熱過，印象分大減，味道OK，但比起我心中燒味之皇灣仔再興，只有5成水準！3. 翠亨村一雞，以品牌命味，必定有料到的！聞說是走地鮮雞拆骨，啖啖肉，很滑，不錯的！4. 翠亨村炒米粉，份量足，有蛋絲、肉絲、銀芽、黃椒絲、芹菜絲，頗為香口，加少許辣椒醬吃更好！可以一試！5. 杏仁茶  好香，好滑，份量稍為少左d, 埋單一見，送架！咁又唔同！