海南少爺 (已結業)

呢間海南少爺係我最常去嘅餐廳之一，因為我真係好鍾意食喇沙架！之前嚟過摸咗一次門釘，因為佢裝修！但知道佢開返，又嚟過一過星馬菜既癮。呢度出名肉骨茶同喇沙，肉骨茶好重藥材味，好足料，d肉唔算太好咬口。海鮮喇沙就係我最愛！湯底好香濃，而正宗喇沙都係會有一粗一幼既麵喺入面，究竟係邊個發明呢種食法既呢？真係滿足咁up！海鮮方面，以前d蝦連殼，裝修完竟然幫你剝埋殼，haha，方便好多！而另外仲有魚片豆卜，吸晒湯底，好正呀。呢間餐廳成日見到一家人嚟食飯，因為選擇都幾多，服務亦唔錯！