味苑燒鵝餐室

营业中

休息中

味苑裝修前係我哋同事嘅飯堂, 裝修咗好長時間, 而家見佢開返, 又咁啱限聚令放寬咗, 所以我哋幾位同事就去食LUNCH。裝修後地方少咗一半, 有上下層。入去寫完資料同量完體溫, 我哋就被安排坐上層。雖然坐上層, 但係我哋無被遺忘, 食店都有安排足夠店員喺上層, 照顧周到。到點餐時間, 除咗馳名燒味套餐, 都有提供午餐。而我就梗係點返燒味, 今次點咗燒腩仔叉燒米粉! 食店好細心咁叉燒燒腩仔另上, 我好滿意呀! 因為之前食店有試過放埋落碗米/麵度, 搞到燒腩仔皮淋晒。今次分開上, 我仲食到脆嘅腩仔皮 叉燒方面, 佢咁啱俾咗叉燒頭我, 呢個部份係我最鍾意食嘅! 正! 米粉份量好多, 湯都好有味, 讚! 價錢方面, 比以前貴咗D。 食店衛生好過以前, 店員態度親切! 想食燒味飯都會再嚟。