呢間酒樓終於裝修完喇比起舊店 依加新潮高級左唔少
亦都比以前光猛左好多
連餐具都升級左
富有中國色彩
我地今日食既係放題
原本以為同以前一樣
點知依加係冇湯底選擇
食物都比以前少左好多
食放題的話 就只可以選擇呢個
每個人都有一碗湯
有雞腳 瘦肉 等等
飲得出好濃味
肉同雞腳都好林
可惜飲完呢個湯
等左大半個鐘先有湯底
眼見服務員都忙個不停
都唔好意思催佢地
坐到悶悶地就去左自助區
估唔到酒樓會有爆谷食
小朋友都食得好開心呢
仲有唔同味道既雪糕任食
飲品種類都好多
有氣水 涼茶等等
終於等到湯底同海鮮黎喇
由於湯底加海鮮拼盤同安格斯牛都有唔少野食
所以點菜紙係唔可以一開始就入單的
不過湯底都好濃郁但稍為重味左少少
食左第一轉要加多少少水溝淡
如果唔識點食可以睇返個牌
海鮮都好新鮮無冰鮮味
當拼盤都到既時候記得入紙叫其他菜
如果唔係又有排等
Overall黎講$138一個人有呢d野食都唔錯
不過等待既時間實在太耐喇
8:30入座 21:00先開始有得食
如果改善下出菜方式一定會更好
