影片
更多
2004-08-13
7 浏览
今日黎食business lunch,5個人book左間房，minimum charge要$2000老闆發板叫左好多野，記得有：1. 醉雞:完全冇酒味,同食白切雞冇分別,唯一好處係唔肥2. 雜菜沙律,烤夫,小排骨:普普通通啦3. 鰣魚:好似話係呢度名菜喎,一向唔鍾意食魚,仲要咁多骨咪搞我,老闆話好鮮甜喎4. 紅燒雞絲翅:呢個純粹係為左meet個min. charge而叫,每位$80,翅唔多就預左,但整到杰撻撻成個獻汁咁仲要唔熱就真係過份,街邊碗仔翅都好過佢5. 蟹粉配薄餅(食北京填鴨那種):部長介紹,每人分到兩件,一向唔好蟹粉所以冇研究,但食慣山珍海味既老闆就話麻麻6. 炒皇帝菜:又係部長介紹,味道似足唐蒿,我最憎>.<7. 生煎包：肉汁豐富而鮮美，做到包身鬆軟而底部脆，不愧係招牌菜，全餐最滿意既一味7. 甜品係一個拼盤,有齊出名既花生酥、核桃酥、炸湯圓等,賣相幾精緻又幾鬆化,味道唔錯,但我最喜歡既反而係一種叫"太白拉糕",應該用糯米粉做,煙韌又清甜,好味!但整體黎講都係鍾意詠藜園(楊家菜）做既宮廷甜點多d加埋果盤埋單$2200, 環境係坐得幾舒服，但侍應有d唔醒目，食
老闆發板叫左好多野，記得有：
1. 醉雞:完全冇酒味,同食白切雞冇分別,唯一好處係唔肥
2. 雜菜沙律,烤夫,小排骨:普普通通啦
3. 鰣魚:好似話係呢度名菜喎,一向唔鍾意食魚,仲要咁多骨咪搞我,老闆話好鮮甜喎
4. 紅燒雞絲翅:呢個純粹係為左meet個min. charge而叫,每位$80,翅唔多就預左,但整到杰撻撻成個獻汁咁仲要唔熱就真係過份,街邊碗仔翅都好過佢
5. 蟹粉配薄餅(食北京填鴨那種):部長介紹,每人分到兩件,一向唔好蟹粉所以冇研究,但食慣山珍海味既老闆就話麻麻
6. 炒皇帝菜:又係部長介紹,味道似足唐蒿,我最憎>.<
7. 生煎包：肉汁豐富而鮮美，做到包身鬆軟而底部脆，不愧係招牌菜，全餐最滿意既一味
7. 甜品係一個拼盤,有齊出名既花生酥、核桃酥、炸湯圓等,賣相幾精緻又幾鬆化,味道唔錯,但我最喜歡既反而係一種叫"太白拉糕",應該用糯米粉做,煙韌又清甜,好味!但整體黎講都係鍾意詠藜園(楊家菜）做既宮廷甜點多d
加埋果盤埋單$2200, 環境係坐得幾舒服，但侍應有d唔醒目，食物質素又只屬一般（除左生煎包跑出），呢個價位就認真唔值啦
张贴