西苑酒家 (太古城中心)

营业中

休息中

西苑飲茶冇乜服務呢樣嘢已習慣了 ! 所以每次嚟都係自己攞茶 , 寫完點心紙主動行去交畀伙計落單 , 唔會坐喺度等 , 嚟呢度飲主要因為佢啲點心好食同有優惠 , 但裝修完後又出現了好多食肆都有嘅毛病 , 食物質素大降 , 可能佢裝修完後點心加價幅度唔大掛 ! 所以以前好大粒 , 啲蝦好新鮮爽口嘅蝦餃變得細粒咗 , 啲蝦細隻又唔爽口 , 差好多 ! 連帶鮮蝦腸粉啲蝦一樣好差 , 相信入咗平價雪蝦代替咗 ! 煎旦牛肉蒸飯以前勁多牛肉 , 依家縮晒水 ! 其他好多點心質素都差了 ! 我諗我唔會再好似咁經常晨早走去排隊等攞籌飲茶了 !