Power Burger (鴨巴甸街) (已結業)

位於上環鴨巴甸街斜路既Power Burger，小編偶爾放飯都會嚟呢度食，今次夜晚同朋友嚟。呢度美式工業風嘅設計，好似置身外國嘅小店咁，氣氛勁好✨✦ Double Cheese Burger 雙層芝士漢堡 $1282x4oz安格斯牛扒+2層芝士，牛肉唔dry好juicy，有少少彈牙嘅口感，牛味好濃，肯定唔係急凍漢堡扒。今日好肚餓，食完感覺超滿足。✦ Power Smash 焦脆漢 Combo Set ($88+$78) 🆙2x2oz安格斯牛扒+ 洋蔥、芝士、羽衣甘藍同自家製醬汁。呢款既肉比較薄身，牛肉邊位煎到脆脆地，多咗陣焦香味，但依然保留足夠嘅肉汁，一樣好好味。✦ Oreo Milkshake 🆙Milkshake 質地濃厚唔會話太杰，甜度適中，oreo味好突出，最佳美式combo🤘🏻整體食物中上，睇得出佢哋對漢堡都好講究，麵包都有輕輕烘過，食個陣唔會俾啲肉汁搞到油冧冧濕淰淰咁，淨係呢點已經值得encore👍🏻