麻辣風雲 (京都廣場) (已結業)

最近見IG成日有人打卡麻辣風雲的荔枝樹，我哋今日又帶Mina去打下卡先😹麻辣風雲位置非常方便，位於銅鑼灣京都廣場5樓，銅鑼灣地鐵站C出口一出過對面馬路就係。裝修好有古代武俠小說的味道，上菜嘅器皿都非常有特色，好有創意，好似超越時空去左古代一樣😂🌟荔枝蝦球$68用了盆景的植物，掛上1粒粒荔枝做型的蝦球，盆底用乾冰做成煙霧彌漫嘅效果，好似仙境一樣😀蝦球即叫即炸，表面做到脆卜卜，裏面又爽口彈牙，平時唔食蝦的Mina姐，都食左好多粒🌟酸菜魚$268 魚片醃得好入味，入口嫩滑，無腥味，配埋芽菜、酸菜、萵筍片等配料，酸酸辣辣好開胃，可以選辣同唔辣，我就加配左薯粉，薯粉吸晒酸菜魚的精華，滋味滿分😋🌟炸饅頭$58同荔枝蝦球一樣，都係用乾冰，放係船的器皿上，做出煙霧瀰漫的效果，炸饅頭恍如仙境之中😂炸饅頭即叫即炸，外脆內軟，點埋煉奶一齊食，味道更加好，大人小朋友都鍾意食，Mina姐一口氣食咗三粒😹🌟洛神花茶$48用上古代的酒壺及茶杯裝洛神花茶，好有武俠小說的味道，味道酸酸甜甜，開胃又解泄。