泰玖 (已結業)

今日經開荃灣去佢見客，沿途經過曹公坊見到一間，裝修好有個性嘅泰式餐廳，見到佢咁特別，我同個客就入去食個lunch！泰玖一共有2層，裝修好型格及好有工業風，樓上座位寬敞坐得舒適，樓下可以有吧枱座位選擇！呢度嘅午市套餐都好抵食，每一款都係$68，已經有嘢飲，仲可以加錢換購小食😋 ✨今次選咗以下食品✨🌟泰式小食拼盤$148拼盤包括炸蝦餅、炸魚餅、炸雞翼及炸雞卷，即叫即炒，所以製作需時，一上枱時熱辣辣，即刻食好好味，佢哋炸到個皮好鬆脆唔會覺得乾硬，配埋佢哋嘅泰式甜酸汁就更加好味🥰🌟泰式肉碎飯_午餐$68泰式肉碎飯，味道唔太辣，肉碎同埋豆角一齊炒，炒得好香好好味🌟泰式無骨海南雞飯_午餐$68海南雞整得好滑，叫咗無骨，食得方便，份量好大份，配埋佢哋自家製嘅酸辣汁更加好味😋🌟士多啤梨活性乳酪士樂冰$68用士多啤梨混合1支益力多，整成的沙冰，味道酸酸甜甜好開胃，士多啤梨同益力多味香濃，食完煎炸嘢同辣吃後，再飲返一啖，心曠神怡