韓吧料理 (已結業)

今次係第二次來食，個舖位其實可以開夜啲，因為第一次食嗰陣仲係試業期間9點左右已經好多野都話買晒無得食，呢個位可以入多少少貨做晏啲。而家裝修左應該好啲喇掛。今日同個同事來食韓國嘢（星期六下午茶時間）要咗個辣炒雞肉、泡菜煎餅加芝士、壽司飯卷。本諗住叫韓式炸雞，不過見到隔離枱好似好細碟🙄咁就叫左雞肉炒炒吓，有個爐燒住炒炒下我本身好鍾意食雞肉，不過覺得佢啲雞係有啲鞋，唔算辣。之後就係壽司飯卷普普通通麻油味。等左好耐差唔多食晒，個泡菜煎餅先至嚟。加左＄15加芝士，泡菜餅泡菜味唔出又唔辣嘅 🙄芝士淹沒左個煎餅，只食到芝士味。其實對佢有啲失望，價錢就唔貴啦，希望遲啲會好啲。門口見到寫住全日制學生有優惠，都冇用到個優惠就埋單😅