木船 (已結業)

最近經過翠怡花園，見倒新開不久既wooden boat一間泰國餐廳。想食泰國菜，大埔又好少泰國菜，就入左去試試。裝修唔錯，係幾特別，座位舒適👍🏼先黎一個鮮蝦炒金邊粉，賣相吸引，但份量有點少味道普通。再加多個泰式生菜包，生菜包是有些少辣，份量都夠2人食。叫多杯凍奶茶，落單前服務員提點奶茶是用煉奶，會比較甜一些。貼心👍🏼飲落去奶茶味道就似泰式奶茶咁，接受倒的甜度，不過不失！裝修很好感覺舒適，食物還可沒有大驚喜，價錢在這地點略貴。