魚一丁刺身居酒屋 (已結業)

自問本人對日本菜興趣不大，唔知點解我好多朋友都好鍾意食，今日又同另一班朋友食日本菜，又係去魚一丁，不過係去海運呢間。有三款同o尋日重複的，有特選刺身、魚苗凱撒沙律、彩虹牛油果卷，除了刺身冇世貿個間咁大件同厚身之外，其餘兩樣都好過世貿好多，沙律好多蕃茄、煙肉等配科，彩虹卷又比世貿實d、醋味有多d。仲有兩樣係o尋日冇食到，牡丹蝦/甜蝦刺身算ok la，當然有孝勢咁鮮甜新鮮，鐵板牛舌鹽燒，好香黑椒味所以好入味，厚身但唔，連d芽菜做的配菜，同樣好好味。o尋日因為太飽冇食到大福餅，今日終於可以食到喇，一個實在唔夠喉，仲食埋南瓜雪榚tim，味道唔太似南瓜味，不過對我o黎過有得食雪榚就十分滿足。