影片
更多
2010-02-13
21 浏览
在馬鞍山找特別既食物... 難度頗高。在新港城和海栢兩大商場內，多數會找到連鎖食肆。至於特別少少既食物，米線既有富輝花園的雲南米線... 而 cake 既，睇黎都只係得 daddy's kitchen。呢度既 cake 單件 $25，跟餐價則是 $16，抵食與否真係見仁見智。佢一般 set lunch 都係大路野，食既都係不外乎肉醬意粉、日式拉麵之類的。講好聽既係可以各適其適，講得唔好聽既係樣樣一般。值得講既係佢 d cake。佢每日都會有唔同種類既 cheese cake，會以各式各樣的 American cheese cake 做主打。一般來說，佢既蛋糕係比較濃 cream cheese 既味道，同埋會係比較實的。佢個餅底唔會碎，但亦唔脆。榛子芝士蛋糕係最唔溜既一個，因為佢中間有海綿蛋糕做夾心。佢既賣相都唔錯，而榛子部分既味道亦較濃。值得一試。士多啤梨芝士蛋糕係在 american cheese cake 上舖了士多啤梨 jam 和士多啤梨的。士多啤梨 jam 偏甜，但卻中和了 cream cheese 帶來的飽滯感。由於本人不屬於甜品 fans，所以食左兩啖已經夠晒數。曲奇 ch
呢度既 cake 單件 $25，跟餐價則是 $16，抵食與否真係見仁見智。佢一般 set lunch 都係大路野，食既都係不外乎肉醬意粉、日式拉麵之類的。講好聽既係可以各適其適，講得唔好聽既係樣樣一般。值得講既係佢 d cake。
佢每日都會有唔同種類既 cheese cake，會以各式各樣的 American cheese cake 做主打。一般來說，佢既蛋糕係比較濃 cream cheese 既味道，同埋會係比較實的。佢個餅底唔會碎，但亦唔脆。
榛子芝士蛋糕係最唔溜既一個，因為佢中間有海綿蛋糕做夾心。佢既賣相都唔錯，而榛子部分既味道亦較濃。值得一試。
士多啤梨芝士蛋糕係在 american cheese cake 上舖了士多啤梨 jam 和士多啤梨的。士多啤梨 jam 偏甜，但卻中和了 cream cheese 帶來的飽滯感。由於本人不屬於甜品 fans，所以食左兩啖已經夠晒數。
曲奇 cheese cake: 睇佢賣相好似唔錯，但佢沒有曲奇的味道。可能係 cream cheese 味道太濃，所以完全 feel 唔到曲奇在蛋糕內發揮了甚麼作用。上面層 cream 令個蛋糕甜上加甜，唔好太甜既朋友仔，建議揀返最傳統的 american cheese cake 仲好。
呢間店既環境同質素都唔算好 top，但點解 keep 住咁多人黎食？皆因其對手太弱矣﹗
张贴