牛惣居酎屋

想食日本野，登龍街呢棟大廈基本上八九成都係日本餐廳，樓下有三個姐姐派傳單招客，我地揀呢間係由於呢間個姐姐特別落力咁推介，當然仲係因為有8折啦😂

店內坐左七八成客左右，我地一行四人有三個揀左七味牛肉豆腐定食，主要係因為其實唔太吸引，呢個好似特別啲咁。

七味牛肉豆腐定食

$79

都等左我諗十至十五分鐘，先嚟個前菜沙律，再等多兩分鐘就上埋菜，個汁少少辣幾惹味，豆腐好滑煎得唔錯，牛肉就正正常常咁，但個味噌湯真係非常淡味。

環境都幾好，服務態度就一般般。但呢個收費嚟講，性價比係有嘅。完！