清進洞韓國餐廳 (已結業)

由澳洲黎既朋友第一次黎香港，点名想食韩烧！星期日既夜晚又要好味又要坐得舒服既韩烧真心只系谂到清进洞！其实本人不太喜欢韩菜，太多肉！所以清进洞都系间唔中黎下，不过每次黎清进洞都唔会令人失望！环境舒适唔在讲，至少坐得舒舒服服店员亦笑容满面！佢地仲成日走黎帮我地烧教我地点食唔同既菜。今次饮品拣左米酒但味道我自己就唔太喜欢（都系钟意上月喺釜山饮既米酒)，韩烧主打都系牛肋骨、牛脷、牛肉同埋鸡肉！另外点左个kimchi 薄饼又香口又好味！但今晚最令我惊喜既都系佢既酱油蟹！事缘十年冇去过韩国既我一直都好想试下酱酒蟹，但又好怕唔干净会食物中毒！估唔到清进洞都有serve，只系$350 有两只，我地就二话不说点黎试下。我地两个加鬼佬朋友仔食得津津有味，原来酱油蟹系几鲜甜但都几鬼咸，但加埋白饭一齐食就一流！其实如果唔系一向对清进洞食物品质有信心都唔敢随便点黎试👍🏻最后佢地老板竟然送多样野俾我地食，虽然只系蒸蛋但放喺石窝入面上枱时入面仲炸炸声，之后再点埋刚刚酱油蟹既汁原来咁好味！我地三个食到捧住个肚离开☺️