District 8 (藍塘傲) (已結業)

一家人難得放假就決定去最新開嘅餐廳試吓，結果竟然大失所望。Menu整體唔算多嘢揀，其實只有4頁。頭一頁全部都係牛，之後會有小食同少量既main。先講小食，佢最低消費係要兩串先可以叫小食，而每串都係$35。本身我就冇諗住叫小食，然後佢嗰日無意粉供應，餐牌上我又冇其他嘢想食，咁就唯有叫小食先。上面個個係grilled calamari 下邊就係dippy dog。雖然佢係一間裝修好靚嘅餐廳，但係你睇佢嘅份量真係少得可憐。而且佢中文寫住美國炸熱狗，請問美國炸熱狗真係咁細？然後細佬想要嘅西冷牛扒一樣冇貨，最後就叫咗呢個牛腹肉。佢要嘅牛扒係五成熟，但係由叫到有都等咗差唔多30分鐘。果然貫徹法國餐廳宗旨 - 慢而媽咪就叫咗豬肉茴香香腸，茴香味係好重嘅，所以接受唔到食茴香嘅人就唔好嗌啦。而嗲d就叫左牛扒三文治，雖然法包本身係偏硬嘅，但係呢個法包係硬到根本係咬唔到，所以最後唔可以成個三文治一啖咁食。係要拆開包還包肉還肉咁食。買單總數用咗差唔多$1000但係我覺得絕對係唔值嘅。