半隻燒鴨 $92（如果已起骨招牌粵式燒鴨 $118/半隻，不過話數量有限，我晚上七點去到，莫講話起左骨，連有骨既燒鴨都已經淨最後一隻）
報章介紹「酒家採用泰國牧場進口的櫻桃谷鴨，在外皮調味後風乾一整晚，再烤50分鐘。跟香港燒鴨比較，鴨皮雖然不夠香脆，但櫻桃谷燒鴨的外皮較薄，脂肪少，肉質嫩滑，降低了油膩感。」
2
我當然無咁金舌頭啦，在我角度而然，外賣一定無堂食咁正，但半隻燒鴨幾大盒，賣相唔差。食落鴨皮係唔夠脆但可接受，肉質比平時食開既燒鴨嫩，不過覺得有點油。而最值得一讚係個秘製醬汁，微酸帶甜，點鴨拌飯好正！
1
另外叫左兩個小菜，份量夠大盒，沙爹牛肉炒芥蘭 $88沙爹味唔濃，不過牛肉夠嫩，芥蘭爽口。四川辣麻婆豆腐 $88 個芡汁唔會太水或太杰，剛剛好，味道辣辣地有點麻，好開胃，拌飯一流！
小菜係單點形式無跟飯，落單姐姐話我叫一個白飯 $12佢比大盒啲，結果比左兩盒我！每盒都裝滿圖中的小菜盒，好似比左三至四碗白飯，今時今日呢個服務態度非常好！
