影片
更多
2023-06-29
645 浏览
29 Jun 2023被社交平台 嘅香港拉麵關注組介紹今日12:30pm嚟到，今日平日星期四，前面都有5個人等緊位😰。心諗大獲喇，好肚餓仲要等，等緊嘅時候店員出嚟招呼，比咗張menu我睇白：豬骨湯黑：黑蒜湯赤：蕃茄湯喂，大盛都唔洗加錢呀！唔係唔加咁笨呀？啱哂我呢啲大食仔！不過好好彩等咗10分鐘就入去喇～首先一入到去環境唔算太大，一眼睇哂。有吧檯，有普通座，任君選擇，我就坐咗吧檯喇！一坐底緊係飲杯水先啦，常溫嚟嘅？呢度扣分，如果以傳統日本餐廳文化，冰水係用嚟招呼貴賓，但宜家都2023年啦，溫室效應咁勁，深水埗地鐵站行過嚟都身水身汗，係咪更加應該轉冰水呢？希望貴店可以改善啦～個麵一上到嚟，咦，點解個湯底咁白嘅？原來店員搞錯咗！比咗豬骨湯我，我明明點咗黑蒜⋯不過唔緊要，最緊要好食！佢仲送左兩塊梅肉叉燒😛沾麵個湯，我飲左一淡先，哇！好好味喎！極度濃厚，濃而不膩，口感輕帶流沙質感，無疑用料足夠！問咗吧檯師傅，呢個湯底用咗足足11個鍾頭，以豬骨熬製，唔怪之得咁好味，我仲飲得出仲有柴魚，果然不出所料，師傅都話有落柴魚魚粉，將個湯底鮮味升華，所亦以有啲流沙質感。到個麵喇，沾麵嚟講，麵唔可以太幼身，呢間
被社交平台 嘅香港拉麵關注組介紹
今日12:30pm嚟到，今日平日星期四，前面都有5個人等緊位😰。心諗大獲喇，好肚餓仲要等，等緊嘅時候店員出嚟招呼，比咗張menu我睇
白：豬骨湯
黑：黑蒜湯
赤：蕃茄湯
喂，大盛都唔洗加錢呀！唔係唔加咁笨呀？啱哂我呢啲大食仔！
不過好好彩等咗10分鐘就入去喇～
首先一入到去環境唔算太大，一眼睇哂。
有吧檯，有普通座，任君選擇，我就坐咗吧檯喇！
13 浏览
0 赞好
0 留言
一坐底緊係飲杯水先啦，常溫嚟嘅？呢度扣分，如果以傳統日本餐廳文化，冰水係用嚟招呼貴賓，但宜家都2023年啦，溫室效應咁勁，深水埗地鐵站行過嚟都身水身汗，係咪更加應該轉冰水呢？希望貴店可以改善啦～
33 浏览
0 赞好
0 留言
個麵一上到嚟，咦，點解個湯底咁白嘅？原來店員搞錯咗！比咗豬骨湯我，我明明點咗黑蒜⋯不過唔緊要，最緊要好食！佢仲送左兩塊梅肉叉燒😛
沾麵個湯，我飲左一淡先，哇！好好味喎！極度濃厚，濃而不膩，口感輕帶流沙質感，無疑用料足夠！問咗吧檯師傅，呢個湯底用咗足足11個鍾頭，以豬骨熬製，唔怪之得咁好味，我仲飲得出仲有柴魚，果然不出所料，師傅都話有落柴魚魚粉，將個湯底鮮味升華，所亦以有啲流沙質感。
到個麵喇，沾麵嚟講，麵唔可以太幼身，呢間選用咗中粗麵，正確選擇，因為沾面湯底咸，中粗麵嘅掛湯力無咁勁，否則好重口味。麵嘅輕微麥味同個湯平衡到，唔會話湯味太多，搶哂啲麥味。口感方面，無得揀硬度，由師傅話事！一貫傳統作風，軟硬適中，睇得出師父功力。
20 浏览
0 赞好
0 留言
試下個糖心蛋先，一夾開，流心到一個點，係我香港食嘅蛋之中Top5之一，好有蛋味！唔知係咪蘭王蛋呢？個蛋都有醬油味，讚！
30 浏览
0 赞好
0 留言
再試下個梅肉叉燒先，大小肥瘦適中，無乜特別～
30 浏览
0 赞好
0 留言
到主角出場了！十勝豚（醤煎豬加）
厚切豬扒一啲都唔手軟，煎嘅時間控制得啱啱好！入口鬆軟，亦都有啲口感，好有豬味，同時佢哋嘅秘制醬油唔錯喎！同個豬扒配合得幾好，一咬落去個肥肉位，啲豬油同醬油係我口中爆炸，極度滿足。
17 浏览
0 赞好
0 留言
最後我食完啦，諗住起身走人，店員問我飲唔飲湯，有services👍🏼佢話加啲熱水落去個沾麵湯，稀啲可以飲落肚，我試下啦，都仍然重口味，所以都係飲兩啖就走咗喇！呢度都係講緊125蚊⋯抵到爛⋯係杯水唔凍啫，其他都好高質！
张贴
