影片
更多
2017-09-04
390 浏览
尖沙咀”好時沙嗲”，好耐之前已經聽過呢個名，價錢唔算貴，所以有唔少人都推介一早已經做定功課，睇定咩野係必食；但實在太多野都想試啦，仲諗埋下次黎食乜 (haha，我真係一個吃貨，好中意食🤣)同朋友兩個人，六點正黎到，但被安排坐門口同職員要求坐入面二人位，佢話好多人訂枱，除非我地七點前食完還枱費事麻煩所以照坐門口位，但其實半個鐘係完全夠時間食完走人，呢度人流去得好快海南雞飯 ($53)呢個好多人推介，話係必食朋友好中意食海南雞，所以特登叫比佢試下龍與鳳第一眼覺得分量幾多，而且又有三款汁，感覺好唔錯，但原來無想像中咁好個湯係唔鹹既雞湯，清清地三款醬汁分別有辣醬、甜豉油、薑蓉，我地一致覺得點甜豉油最好味(純粹係因為甜豉油個味調得唔錯，而唔係個雞好味)雞肉多，但太淋連雞皮都係淋滋滋，唔係我中意既口感，我都係中意滑LULU既白切雞同爽彈既雞皮呢度個飯唔係黃油飯，個人覺得似加左雞湯去煲既濕笠笠飯，味道唔差亦唔油膩，係爛左D囉，真係無牙都食得…什錦沙嗲串燒 豬牛雞各兩串 ($49)呢個係大伏…我未曾食過咁乾咁梅既牛串😞三款串燒一樣味，你係分唔到自己食梗豬牛定雞，只可以用顏色去分別…呢度D牛完全唔韌，
一早已經做定功課，睇定咩野係必食；但實在太多野都想試啦，仲諗埋下次黎食乜 (haha，我真係一個吃貨，好中意食🤣)
同朋友兩個人，六點正黎到，但被安排坐門口
同職員要求坐入面二人位，佢話好多人訂枱，除非我地七點前食完還枱
費事麻煩所以照坐門口位，但其實半個鐘係完全夠時間食完走人，呢度人流去得好快
海南雞飯 ($53)
海南雞飯
$53
20 浏览
0 赞好
0 留言
呢個好多人推介，話係必食
朋友好中意食海南雞，所以特登叫比佢試下龍與鳳
第一眼覺得分量幾多，而且又有三款汁，感覺好唔錯，但原來無想像中咁好
個湯係唔鹹既雞湯，清清地
三款醬汁分別有辣醬、甜豉油、薑蓉，我地一致覺得點甜豉油最好味(純粹係因為甜豉油個味調得唔錯，而唔係個雞好味)
海南雞飯
$53
7 浏览
0 赞好
0 留言
雞肉多，但太淋連雞皮都係淋滋滋，唔係我中意既口感，我都係中意滑LULU既白切雞同爽彈既雞皮
呢度個飯唔係黃油飯，個人覺得似加左雞湯去煲既濕笠笠飯，味道唔差亦唔油膩，係爛左D囉，真係無牙都食得…
什錦沙嗲串燒 豬牛雞各兩串 ($49)
什錦串燒半打
$49
7 浏览
0 赞好
0 留言
呢個係大伏…我未曾食過咁乾咁梅既牛串😞
三款串燒一樣味，你係分唔到自己食梗豬牛定雞，只可以用顏色去分別…
呢度D牛完全唔韌，而係梅同乾，無肉汁無牛味，仲衰過韌牛串燒👎
但不得不讚佢個汁，真係整得幾好味👍花生味香但唔會太過，又有少少酸味醒下個胃，後黎我用黎點薄餅
巴東牛肉 ($59)
巴東牛肉
$59
22 浏览
0 赞好
0 留言
呢個係出面少見，所以特登點黎試下
牛肉好淋，多肉少肥膏😀，佢係好重椰汁味，貎似咖哩牛既野，但只係貎似因為我完全食唔出有咖哩味
唔能話佢差，只可以話佢唔岩我地兩個既口味😑；食到後期好滯，可能因為太杰太椰🙄
薄餅2件
薄餅
$27
12 浏览
0 赞好
0 留言
本身想用黎點個巴東牛肉食，點知牛肉個汁太杰，無汁可點..只可以當夾餅咁夾住D牛肉黎食…但其實佢同個巴東牛唔係好夾囉🤐
早知唔叫呢個啦，點又唔好食，但唔點更難食，個餅完全無味又唔鹹😖
總結，呢餐我真係等到頸都長埋，充滿期待架!! 我仲係特登留QUOTA去食佢，點知無一款OK…😩
呢個唔止係我同朋友都咁諗，而係我觀察到附近兩枱既食客都係叫左少少野，但食剩好多就走人，唔係我吹水，但真係唔明點解會有咁多好評…只可以講，呢度完全唔岩我😢
张贴
