酥酥 (已結業)

唔好諗多咗，小弟來到葵涌廣場原本是食下炸魚柳薯條，飲杯野就走，點知隔離店的哥哥仔一輪嘴係咁講，又話咩韓國最新，又話咩新方法令外脆內軟，又話。。。我識條鐵咩，我一句回應外賣回家得唔得，哥哥仔話個幾兩個鐘都無問題。好！就憑這句我決定食飽轉頭來買，哥哥仔仲叫我留肚，心諗，您有幾大件呀。。。以上兩件都是我第二日專登再出葵芳買回家孝敬老婆的，前一日是點了榛子朱古力，回家獨食完發覺真·好食，所以第二日翻頭再點其他款。外賣回家都成個鐘，脆就一定唔會好脆，但的確無淋到，香口又帶點煙韌（有選焦糖會脆點），甜度適中，有種食唔停口的感覺。三十幾蚊，雖然份量偏細，但質量補足，有緣要即食一次，相信會更好食。