大丼屋 (已結業)

係荃灣西工作，成日都會尋覓附近既新餐廳，今次比我發現百悅坊新開既呢間日式丼店。大丼屋厚燒玉子 $18兩大件厚切玉子，質感紮實，外表燒得焦香，味道香甜。季節蔬菜天婦羅 $48炸漿非常簿，炸過既蔬菜仲好juicy，沾上天婦羅汁，一啲都唔油膩。最鍾意茄子，外脆內軟，仲有點清甜。日式叉燒爆丼 $68賣相好震撼既丼飯，平時食拉麵得兩三塊既日式叉燒，而家係舖到滿一滿。叉燒有濃濃醬汁味，脂肪同肉層次分明，入口溶化，配合飽滿既白飯，啖啖滿足。巨型富士山丼 $188令人注目既富士山丼，係一個雜錦剌身丼，賣相吸引。吞拿魚腩蓉、三文魚籽及青瓜絲同白飯拌暈，成個配搭好fresh，味道同口感都好豐富。原片海膽味道鮮甜，好creamy，無異味。牡丹蝦大大隻，肉質晶瑩通透。呢到雖然唔係咩大商場舖，但地點都幾易搵，下次一於叫埋同事再黎食多次。