鮨金和食料理 (已結業)

又到星期五，接男友收工後一齊到銅鑼灣食晚飯。好彩有打電話去book檯，因為去到d檯都full曬。一坐低waitress首先俾溫熱既抹手巾及綠茶，再送上menu給我們點餐。我地兩個今日決定食豪d，試下廚師發板！見好多人推薦刺身&壽司set於是點佐2份，有8件刺身，6件壽司，和食一款，一碗湯以及甜品，夠曬飽肚啦！首先送上4款刺身，淨係賣相都已經不得了！由於我男友唔食芝士，頭盤有個芝士球就換做茄子比佢，十分貼心。經理話依家係海膽季節，所以海膽好靚好新鮮，而我地食既紫海膽及馬糞海膽，味道非常鮮甜同大塊😍食落口好似俾d海膽包圍住咁🥰吞拿魚腩刺身更是入口即融，滿口魚油呀！第一次食龍蝦刺身，有金箔點綴令佢賣相加分不少，搞到我成餐飯係咁狂影相！埋單時經理仲同我地講可以儲飛行里數，消費 HKD2=1 里數，而星期一做緊消費 HKD 1 可換1里數，十分抵呀！！總結黎講Sushi Kin屬於高質日本餐廳，無論環境，食物同服務都好好。不過價錢唔係行平民路線，不過食物就有一定既質素。