曼谷水門海南雞飯 (已結業)

其實經過過呢間野幾次，但都冇乜興趣食，因為門面真係唔太吸引，但附近返工嘅朋友同我講抵食又好味，所以今日就決定嚟試吓。叫咗個水門雞飯，分量適中，一個女仔食完全冇問題，男仔食就可能會唔飽，不過$30來講我覺得係好足夠嘅，首先啲雞真係幾滑，仲要有雞髀啊，好開心。真係做到雞有雞味，依啲飯都好粒粒分明，略嫌唔夠熱。而且點嗰個醬汁，好夾！成碗清左！其實已經夠飽，不過見到芒果糯米飯只係10 零蚊，冇理由唔叫，於是就叫咗，同之前食最大分別係佢個飯係熱嘅，令到芒果都熱埋，不過又好食喎，好似比起凍食更加軟糯，分分鐘以後食完飯可以嚟買個糖水食都得。總括嚟講雖然外表平平，甚至係唔吸引，但係有實力的，而且呢個價錢真係好實惠，甚至可以買返屋企做外賣，啱晒而家呢啲非常時期。