許留山 (已結業)

間中都會去下許留山，之前多數食芒果系列的甜品。今次食熱糖水，想滋潤一下。第一次到銅鑼灣呢間店食，店舖唔算大，位子密密麻麻，人流亦多，由開始到離開都被講國語的人包圍住，食得好唔自在，好似要趕住食咁！點了盅熱官燕燉雪蛤，見唔到有紅棗，但奇怪成碗糖水都係紅棗味，得個甜字！雪蛤是分開放於一個小膠兜，筆一羹就冇㗎啦！$62 一碗"糖"水，冇環境，冇服務，下次想食糖水都唔會考慮許留山！真係想食都唔好食銅鑼灣呢間！