影片
更多
2023-04-20
254 浏览
📌 八一蕃巴蜀烤魚店 (砵蘭街) - 太子砵蘭街436號地舖🗓(19/4) 星期三 ⏰ 晚上6:30左右💈特式：我一向都鐘意食烤魚，尤其是鐘意食新鮮即烤嘅烤魚，今日就嚟到太子試下呢間烤魚，佢仲有分店位於荃灣，但太子就比較方便就腳。🥩🍔🌭🌮🥗🥯🥘🍲🍝🍣🥟🍤🍱食物：我都係第一次食呢間餐廳嘅烤魚，詢問店員佢地都好詳細解釋每款魚嘅肉質，同埋強調佢地店舖係用新鮮魚現烤，而家等我同大家講下🐟味道先。香辣口味烤海鱸魚$288 - 佢地有草鯇魚/鉗魚/海鱸魚選擇，咁我比較鐘意食少骨魚，偷佢無咁煩，所以就揀左海鱸魚試試。烹調口味就有6款辣同2款唔辣可以揀，但食烤魚一定要辣先過引，最多就叫小辣架啫，所以我就揀左香辣味。一上枱首先見到個盆好大個，入面條鱸魚亦都唔細，睇埋魚眼/魚皮位都已經知條魚好新鮮，食烤魚條魚新鮮真係最緊要，入口個種鮮味係雪藏魚無得比的，條鱸魚除左新鮮，而且骨粗肉厚又夠香，最重要一個好處就係少骨，食得特別方便。香辣口味就係比較傳統同常見嘅口味，我就叫左小辣，連我唔食得辣嘅另一半都食到，同埋佢地放左好多豆豉係面，除左辣仲多左陣豆豉香味。涼拌魚皮$78 - 魚皮係其中一樣我最鐘意嘅小食，佢呢佢
🗓(19/4) 星期三 ⏰ 晚上6:30左右
💈特式：我一向都鐘意食烤魚，尤其是鐘意食新鮮即烤嘅烤魚，今日就嚟到太子試下呢間烤魚，佢仲有分店位於荃灣，但太子就比較方便就腳。
🥩🍔🌭🌮🥗🥯🥘🍲🍝🍣🥟🍤🍱
食物：我都係第一次食呢間餐廳嘅烤魚，詢問店員佢地都好詳細解釋每款魚嘅肉質，同埋強調佢地店舖係用新鮮魚現烤，而家等我同大家講下🐟味道先。
香辣口味烤海鱸魚$288 - 佢地有草鯇魚/鉗魚/海鱸魚選擇，咁我比較鐘意食少骨魚，偷佢無咁煩，所以就揀左海鱸魚試試。
烹調口味就有6款辣同2款唔辣可以揀，但食烤魚一定要辣先過引，最多就叫小辣架啫，所以我就揀左香辣味。
一上枱首先見到個盆好大個，入面條鱸魚亦都唔細，睇埋魚眼/魚皮位都已經知條魚好新鮮，食烤魚條魚新鮮真係最緊要，入口個種鮮味係雪藏魚無得比的，條鱸魚除左新鮮，而且骨粗肉厚又夠香，最重要一個好處就係少骨，食得特別方便。
香辣口味就係比較傳統同常見嘅口味，我就叫左小辣，連我唔食得辣嘅另一半都食到，同埋佢地放左好多豆豉係面，除左辣仲多左陣豆豉香味。
涼拌魚皮$78 - 魚皮係其中一樣我最鐘意嘅小食，佢呢佢地都好推介，份量多又爽口，佢似係粥舖賣開個隻薑蔥原味魚皮，但你擺入湯底拖一拖先食，真係超好食。
大漠羊肉串$20 - 佢個羊肉串size都ok，唔會好細條，價錢雖然唔算好平，但香港地食串燒都係差唔多呢個價位，羊肉肥瘦適中，孜然味重，好香好入味。
☕️🍵🥤🧋🍺🍷🥃🍹🧉🍾🍶🥛
飲品 : 餐廳除左罐裝/支裝飲品，最特別係佢地有水果茶同4款自家煲製嘅飲品，山楂楊梅/李乾蘋果茶/ 酸梅湯/夏枯草。
每款就$59/壼，我就揀左李乾蘋果茶，因為出面比較少見，佢寫左個功效係消暑解渴，清咽潤喉。
🍽環境：餐廳裝修比較簡潔，佈置同枱凳就用上木質地，環境都光猛，整體都好坐舒適。
🤵🏻🤵🏻♀️🤵🏻♂️服務：店員服務態度幾好，好主動介紹每款魚嘅特式，同埋湯底嘅分別之外，亦見地老細不時會係廚房走出唔同顧客溝通下，問下有咩地方需要改進，實屬難得。
💰💸價錢：叫左成條魚，一個小食，兩串串燒，一壼飲品，兩個人差唔多食唔晒，連埋加一都只係大約$450蚊，以食烤魚嚟講真係好平，加埋係太子呢d旺區，所以價錢認真抵食。
🐲💬總結：我覺得呢間嘅烤魚主打新鮮魚，即叫即烤，而且都做得唔錯，同真係好抵食，大家有機會可以一試。
推薦指數：❤️❤️❤️❤️🤍
香辣口味烤海鱸魚
$288
35 浏览
0 赞好
0 留言
香辣口味烤海鱸魚
$288
12 浏览
0 赞好
0 留言
涼拌魚皮
$78
11 浏览
0 赞好
0 留言
大漠羊肉串
$20
16 浏览
0 赞好
0 留言
李乾蘋果茶
$59
9 浏览
0 赞好
0 留言
张贴
