青森料理 (已搬遷) 新店位置

尋晚同朋友去了呢間試，因為之前聽好多人話呢間好，大約7:15pm去到，不用等位，即時有，不過入到去先知要同人搭抬，唔怪之得咁快有位啦!>.<店內環境尚可，不是太污濁，不過坐位太迫，沒有2人位，2個人去一定要同人搭抬，另外則是待應們不會主動幫你加茶同埋收盤的，要你舉手先會過來。之後order了海鮮餅，海饅壽司，三文魚壽司，芝士焗生蠔同埋芝麻八爪魚，埋單140幾蚊，唔可以話好飽，不過日本料理來說是比較實惠的，因為它的份量不少。建議下次4個人以上去可以唔洗搭抬坐耐d，多人亦可以叫多d不同種類壽司，試多d。總括來說，如果你住在屯門是值得一試，不過山長水遠滿有期待的話，可能會令你失望。