上樓

今年開始, 我地呢班低能表姐妹決定每逢有人生日就出黎慶祝, 頭炮係食上海野~ 上樓我自己都黎過一次, 講真d野真係好抵食, 唔收茶錢同加一, 而且坐得都幾舒服! (本人太遲寫呢篇食評, 聽聞價錢加左, 詳情請參考其他較新鮮既食評啦~)

今次我地5個人叫左12碟野, 埋單都只係$444 (嘩~ 對慶祝生日既我地黎講, 呢個數有d唔吉利, 早知叫多碟野啦~~)

左上: 鎮江肴肉~ 肉質乾身左d, 好鞋口, 味道一般。
右上: 雞絲粉皮~ 好食, 如果可以再落多d麻醬就仲好!
左下: 椒鹽排骨~ 超香口, 好食到要夾埋d炸蒜頭黎食!
右下: 紅油抄手~ 唔食得辣既我都覺得完全唔辣。

]左上: 上海粗炒~ 唔算太多油, 都可接受。
右上: 炸銀絲卷~ 炸得岩岩好, 顏色金黃, 一定要點鍊奶食!
左下: 咸肉娃娃菜~ 咸肉得兩三片, 但真係好咸~
右下: 蒸銀絲卷~ 因為有人唔食炸, 所以叫多條蒸既, 但都係炸晒好食d~

左上: 灌湯小籠包~ 皮略厚, 湯汁少, 但味道唔錯。
右下: 高力豆沙 x2~ 好好食, 豆沙唔會過甜。