麪譜車仔麵 (已結業)

一入到去已經聞到一陣毛巾餿味
筷子筒，醬料器皿，枱面，牆上都有污漬
其實見到呢個環境已經唔開胃
但入咗去冇得走就硬食
餐牌嘅餸名係諗得幾有心思
但食物質素普通

我去埋單俾錢嘅時候
見到職員收走污糟嘅碗同杯
但佢唔係將啲杯碗拎入廚房或者後欄
而係將佢哋放喺入口隔離嘅筲箕度
我見到當時已經積聚咗一大堆污糟嘅杯碗碟
唔知要儲到幾時先洗
客人要對住呢堆污糟杯碗碟嚟食嘢
呢個亦可能係令到成間舖有浸餿味嘅原因

呢間鋪啱啱新開嘅時候
評價幾好
裝修特別
但點解而家會變成咁？
係咪轉左手？
一般食肆最基本嘅衛生要求都做唔到
我一定唔會再去