越南牛肉粉專門店 (已結業)

午市趕時間，求其入咗去嗌咗碗生牛肉河，個湯都幾大浸黑椒味，連啲牛肉都沾滿黑椒搞到成碗都係黑椒辣味，第一次食咁重黑椒味嘅越式河粉味道都算喇，為求飽肚都無乜特別期望。但最唔掂係個呀叔上菜時，碟芽菜青檸上面塊葉（唔記得叫咩葉）跌咗落張檯度，我同呀叔對望咗一吓。。。佢竟然用手執起塊葉若無其事擺返落隻碟度！（雖然我一向唔會落塊葉）另外杯檸茶又係有少少怪味。食嘢期間仲有兩隻烏蠅仔不停飛來飛去。。中哂伏，一定無下次！