入到去被安排坐窗口嘅卡位。其實成個餐廳嘅感覺都唔係太衛生。自從covid，真係未見過有餐廳嘅衛生水準可以咁低。門口油到會跣腳，再加上一塊千年都唔覺有洗過嘅膠地氈，行入去果下已經覺得不妙。不過諗住食蟹同埋火鍋都係煮到熟一熟嘅嘢，應該唔會肚痾呱，亦都唔想掃朋友興。就繼續坐低。
餐廳入面攞嘢食嘅area一樣都係油淋淋。一步一驚心。出面嘅嘢食我完全冇攞過。一心淨係食蟹，火鍋淨係食咗幾片牛肉。豉油都費事。
最驚嚇係食食吓發覺有隻BB小強喺我地張枱。唔知好彩定唔好彩我唔驚曱甴。我哋好冷靜咁用紙巾拍死佢。點知交俾店員嘅時候先發覺佢未死。店員一句說話都冇講，連埋個食物兜一齊收咗之後，件事就完咗。隻小強其實未死，佢將成個兜入邊嘅野就咁倒咗落去架收廚餘嘅手推車度就算
我見有食評話啲蟹唔掂，好彩我嗰晚啲蟹全部都正常，都好食嘅。火鍋料我就唔建議啦。
樓面同事嘅服務還可以啦，都有禮貌嘅。呢個值得加分。但係餐廳嘅衛生真係有好大嘅進步空間。
