新蕃薯苗小館 (已結業)

行北角行到食晚餐, 肚仔餓, 投其所好, 轉入橫街, 見有位即入, 兩個人一坐低即見人上茶(紅茶), 待應4, 5位, 個個身手過人, 好有回應。兩個人唔食得多, 點了幾味, 有招牌菜 - 腐魚蕃薯苗, 雞絲炒粉皮, 及麻婆豆腐菜飯。小店內只得十數張小枱, 環境清潔"企"理, 光線充足。先上腐魚蕃薯苗, 雞絲炒粉皮, 賣相不錯, 食落味道討好, 典型港式出品。雞絲炒粉皮其實有點取巧, 它的粉皮用上了闊薯粉, 不過, 這倒也是驚喜, 一定夠飽。腐魚蕃薯苗, 則欠了不少腐魚味, 但蕃薯苗卻葉滑身爽, 而且十分新鮮, 是一道特色菜。兩度菜式雖然是小炒, 不過一d 都唔油, 可算是追得上健康潮流。麻婆豆腐菜飯, 還以為是碟頭上的, 點知是小菜方式出菜, 麻婆豆腐不失典型風範, 而且少油, 加上用上充滿新鮮小塘菜的菜飯, 已經十分滿足了。