Vortex American Snack Bar (已結業)

同朋友搵下附近既特色小店去幫襯下，如果唔係住開呢區，真係無林過會咁樣搵食法。見到出面開曬檯，個個都飲酒，好有兒時大檔既感覺。手工啤我哋飲左四款，但無一款係情有獨鍾🤦🏻‍♀️😂唔係我杯酒，有枝仲要係好多種啤酒花加埋，好似無加糖既淡涼茶一樣🙊我真係無知婦孺，唔識欣賞！但我叫左好多野食，送酒一流👍🏼薯條：新鮮即炸、粗身大大條，有口感，加埋啲松露油係正既！漢堡包：簡直無得頂👍🏼大大件漢堡，多汁juicy ，超厚肉，醬汁多，配菜足，食過番尋味❤️墨西哥脆片：大大盤，不吝嗇既牛油果醬，sour cream 無得頂😌水牛城雞翼：醬汁好濃烈，有啲搶喉既感覺，一定要趁熱食，凍左會皮肉分離，同更加酸🤔