澄海小館 (已結業)

今日身痕地試搭新港島南線，流落在鴨脷洲大街，好多餐廳酒樓都好多人，有幾間更加話無位呀結果行左去一個舊街角，發現左依間小店。今日星期日，等左差不多半個中，好在門口放左個餐牌係到，可以諗定。晚市有好多款野食，有鹵味，碟頭飯，湯河，家常菜同埋可以來料加工海鮮。叫左碟鹵水4拼（豬耳，五花腩，魷魚，薰蹄）（$100）仲送左豆腐。豬耳好有咬口，五花腩肥瘦適中，魷魚就略嫌過淋，薰蹄太咸。再叫左椒鹽鮮魷，d炸粉可以再炸透少少，略嫌笠口，亦唔夠椒鹽，唔太惹味最後食埋蠔仔肉碎粥，好食，蠔仔飽滿鮮甜