風流居酒屋 (已結業)

隱藏係大圍暗巷一間小店起初經過幾次都搵唔到間鋪，最後打俾店員帶路先恍然大悟。店入邊分三層，門面裝橫有啲嚇人，意外嘅係樓上好有日本風味，唯梯級陡峭， 品嚐佳餚之前就要捱小小苦。前菜叫左一份支豆，同埋不得不提嘅燒魚翅干。比起平時食開嘅雞泡魚干，魚翅更加脆口而又不失口感，餸酒真係一流。之後幾串幾串咁點串燒，可能係繁忙時間，上菜速度一般，尚可接受，質素可算食咁多間最接近日本地道，不論賣相定味道，還原度都十分高。其中有幾款特別推薦，第一樣一定係牛肉半生燒，凍食嘅好似食緊牛肉魚生咁，我朋友仲試埋沾豉油食，仲話幾夾（可惜唔記得影相）之後有串燒特別推薦，秘醬牛小排。香得黎每咬一啖都爆小小肉汁，可見串燒傅師傅功力之深。食咁多肉點左幾串菜，有紫薯、翠玉瓜、淮山，但最好食都係蕉糖菠蘿上菜個時焦糖仲跳緊舞架！仲有明太子玉子燒，一個字形容，正！懶人包：味道同賣相真係好好，尤其响住日本文化嘅話就知其用心。待應對食物講解亦都好仔細，對於有選擇困難症嘅我係一大福音。唯上菜速度有改善空間，同埋最後都要提下個條不懷好意嘅樓梯。最後一句總結，好適合做竇同朋友促膝詳談。