一遊

营业中

休息中

今日終於可以同bb兩個人撐抬腳啦，平時佢啲同事一日都黑都纏住佢，叫佢落老蘭，一唔喺就成日蒲bar，搞到佢成日都無時間陪我食dinner，我真係超級無敵寂寞囖。今日難得捉住佢過嚟陪我，點都唔可以再放佢走啦！！明太子豆腐，平時食嘅豆腐都系比較清淡嘅，拿嚟滾湯就比較多，之前都未試過味道咁濃郁嘅豆腐。點解咁講呢？系因為豆腐嘅湯底好特別，系用秘製嘅醬汁整成嘎...而且呢啲醬汁嘅味道好好咁滲入豆腐入面，唔會凈喺豆腐皮有味，而入面就淡牟牟~~牛油煮蜆，牛油嘅味道好香好濃郁，而且蜆非常新鮮，再加上些少茶樹菇一齊煮調味，牛油湯嘅味道好正！！蜆肉都算大粒。蝦仁燒玉子，呢個菜都好特別，玉子一層層軟淋淋，好似豆腐咁，入面仲有好多蝦仁，利用炭燒嘅方法嚟整，味道好獨特。豬肉青椒，青椒唔算好辣，可以接受。而且豬肉系用煎嘎，所以口感好好。豬肉又唔會煎得好窿，青椒脆脆地，豬肉咬落去仲有肉汁流落嚟，送飯就最啱啦！一遊沙律，沙律平時就成日都食，所以感覺無咩特別，沙律仲系好濃嘅沙律醬味道。不過蔬菜都幾新鮮嘅~~