滬狀元 (已結業)

屋邨係香港最有人情味嘅地方，喺街市尋寶搵食，分分鐘會有驚喜呢！好似嚟到黃大仙竹園邨，如果撞啱滬狀元嘅生煎包新鮮出爐，一定會忍唔住買番兩隻嘆吓呢！而今日一於買多幾款，返屋企同M佬開心share！狀元生煎包、狀元小籠包、招牌鍋貼新鮮出爐生煎包非常香脆，生煎包熱辣辣，咬開生煎包之後，入面嘅肉汁就會爆晒出嚟，好滋味；小籠包皮嘅皮非常薄，可以睇到嘅湯汁呢，湯汁濃郁唔油，食嘅時候完全冇負擔；鍋貼大大隻，煎到微燶，帶有焦香味，入面嘅豬肉餡料同樣充滿湯汁，同樣驚喜。狀元酸辣湯酸辣湯有荀絲、木耳絲等材料，湯底唔會太杰，非常幼滑，至於酸辣比例啱啱好，非常開胃。蔥油拌麵明明係拌麵，但老闆細心送多碗湯，原因係外賣蔥油拌麵拎到返屋企之後，啲麵條有機會痴實咗，到時就可以加少少湯整番鬆啲麵，估唔到街市小店都咁貼心呢！蔥油夠晒香，掛上每條麵。