幸福小食 (已結業)

位於筲箕灣巷仔入面嘅幸福，位置隱蔽唔起眼，但間中總會聽到有人介紹佢嘅。不過由於佢冇堂食，全部人都係外賣買走嘅，有時就會買生未煮嘅冰餃子返屋企食。食過兩三次幸福，佢嘅質素好平穩，26蚊9粒人手包韮菜餃，加烏冬底就8蚊。餃子非常足料好飽滿，但個皮尾尾嗰度就厚左少少，煮完會有一位厚到硬左，有少少影響整體嘅味道，不過另一角度睇，就好有家嘅味道 另一重點係佢個大地魚湯底，比起平時食d雲吞麵湯真係差十條街。呢度湯底清甜，鮮味，食完又唔會口乾嘅，食得出係用心之作！