正 麻辣·茶·雲吞 (已結業)

星期日係九龍區補選日，人流多嘅地方都成為各侯選人拉票重點地。所以同男友路經長沙灣時就行左條少D人街搵餐廳醫醫肚。餐廳位距離地鐵站唔算近，不過人流都幾多，可能小本經營吸引唔少街坊～既然店鋪以麻辣、茶同雲吞作招牌就點都要叫黎試試啦。檸辣撈雲吞檸辣同泰式酸辣相約，呢個配搭幾新奇正牌五寶麵湯底揀左秘製麻辣味，麻辣味適中，湯底飲落唔渴喉。五寶係雲吞、蘿蔔、腩肉、雞扒同豬肉丸等等，材料都幾豐富。麵身就用左上海麵，唔會因為浸於麻辣湯太耐而變淋，保持爽口。點得多辣野，當然就要揀D清熱飲品啦羅漢果野生靈芝海鹽青檸茶出門時先發現門口旁邊有店舖推介，另外餐廳唔同時段都有各類套餐揀。