醉標無骨海南雞 (已結業)

今日又要跨區做嘢, 做完順便外賣午餐返屋企慢慢歎宜家百物騰貴, 連野食都係咁, 今日難得見到呢間超親民嘅醉標無骨海南雞, 飯餐只要32蚊, 一定要幫襯下<無骨海南雞飯>攞外賣時已經覺得好墜手, 返到屋企打開貝見到的確好足料海南雞同油飯份量好多, 海南雞雞皮比較厚, 但食落唔肥膩之餘亦啖啖肉, 油飯都幾入味<泰式燒豬頸肉飯>豬頸肉飯同樣係跟油飯, 豬頸肉乾身爽口, 同樣好足料呀飯餐仲有跟紙包飲品<泰式無骨鳳爪>除左飯餐外, 醉標嘅小食都好抵食十幾廿蚊就有一份, 最啱邊煲劇邊食, 無骨鳳爪酸酸辣辣好滋味<涼拌青瓜>涼拌青瓜清爽辣辣地<楊枝甘露>仲有芒果控最愛嘅楊枝甘露, 好rich