王朝潮盛館 (已結業)

今日去左新蒲崗越秀廣場，見到間新開嘅潮州菜潮盛館就諗住試下新野。兩小口叫左3餸1粥，樣樣都大大碟，差啲食唔晒🙈🙈第一味，蝦干魚滑浸時蔬，湯底有胡椒吊味，非常開胃又唔會太鹹，魚滑又多，唔錯👍🏻第二個係酸菜海鱸 ，呢個酸菜魚會全條魚起肉再切片比你，仲要炸返啲魚鯺魚骨擺返落去，魚片夠滑，口味迎合返香港人，唔會太辣♥️正之後再上砵酒桶蠔，師傅用錫紙包起啲蠔，非常有驚喜！入口好香酒味好甜，仲要大大隻蠔，真係非常抵食！最後上埋蠔仔粥，唔好睇佢細細碗，每人都分到兩碗仔，蠔仔唔會腥加啲胡椒粉食，無得彈。呢間餐館嘅食物絕對對得起個價錢，非常性價比，行過路過記得試下。