大滿足火鍋冰室

今晚同位靚女朋友去大帽山遊咗轉車河，涼涼哋想去打邊爐，就去咗荃灣大坡坊Lee間烤魚雞煲海鮮火鍋，今次係第二次嚟，見到坐滿人就知Lee度好嘢啦，性價比高！
有19款湯底雞煲、烤魚、芫茜皮蛋......今晚想清清地就叫咗個皮蛋芫茜湯底。
海鮮款式算多，蠔仔、墨魚、瀨尿蝦、花甲同海蝦逐隻靚，手切牛肉放湯涮十幾秒就食得，好食到冇得彈。
飲品區仲有啤酒汽水無糖茶，自製烏龍茶同竹蔗茅根水，解辣又解膩。人均$229食到飽走，服務員加湯換碟好快手，下次一定帶埋屋企人再嚟！