蘇記咖啡

今次去到鴨脷洲既街坊茶記食下午茶，主要揀左兩款包點😆咁除左包之外，佢地都有焗飯、湯粉麵類既野食既。，聽講杯奶茶都唔錯，但今次K就無試啦。

豬扒飽 $15
因為法包得返一個，所以就點左簡單既豬扒包，拎上手唔算好厚身，芝麻包先烘一烘，上面搽上牛油，所以食落幾香😀，中間塊豬扒醃得好入味，但真係太薄啦，味道係唔錯既但食落唔滿足🤣

特辣肉丁法飽 $25
淨底果一個法包，K就用黎叫左肉丁法飽，雖然佢講到係特辣咁，但其實食落一啲都唔辣🤣🙈，呢款法包入面餡料會多啲，夾有蕃茄片同生菜，飽肚感會多啲😝法包咬落去好香脆，都幾惹味既～

整體黎講，其實同一般茶記質素無乜分別，係有街坊店果種感覺而已😛