串燒屋

营业中

休息中

串燒屋 @ 觀塘幾個朋友聚會…朋友話想食下串燒飲下啤酒喎。其中地膽就帶我地係屋企附近食任食自助串燒。呢度如果唔係朋友帶真係唔知有間串燒店。平日都有8成滿…睇下個個打扮都係輕便街坊裝…包括地膽朋友在內🤣🤣。都幾得街坊支持。呢度個自助串燒爐…除左可以放串燒上去自己轉轉轉外…仲提供多個網…放上去就變身做網燒🤣🤣🤣掃下QR code…呢度既肉肉種類都離不開豬牛雞少少海鮮…menu就分開左串燒…網燒同熟食…熟食就以炸野為主…最正係有啤酒任飲…咁當然要點d炸野食下…呢度炸野種類感覺比出面多。我地點左雞翼…墨魚角…炸蝦…蝦餅…雞軟骨。衰鬼…d炸野又幾好味喎…即叫即炸…雞軟骨呀…雞翼…蝦餅都柯打左兩round…送酒無得頂落完柯打…好快就送上人頭扇貝先…之後d肉肉陸陸續續送上整體肉類…丸類…蔬菜質素都ok啦…雪櫃有錫紙盒裝既蒜蓉牛油雜菇…蔬菜…麵包…日式小食任攞唔嬲。除左啤酒、野飲有汽水…無糖茶…清熱野飲等等…可惜唔係獨立樽裝食完仲有杯裝雪糕同啫喱做甜品。呢個價錢可以任飲任食兩個半鐘…都幾抵食既。