雲桂川冰室 (已結業)

趁放假，入屯門探屋企人，順便一齊食個下午茶，輕鬆一下。富健花園有好多細細地嘅街坊小店、茶餐廳，好多都好有風味。今次第一次去呢間冰室，質素不錯啊～先點了一個下午茶-招牌豬扒包，加配熱檸檬利賓納。豬扒包份量都算大。除咗豬扒外，入面嘅配菜有生菜同蕃茄。麵包香脆，而豬扒好鬆軟、唔會乾爭爭，加埋千島汁，味道不錯。雞翼米線湯底頗香，加入大量蔥花同埋酸菜、肉碎，每啖都好惹味。雞翼唔算大隻，但醃得夠味。流心芝士火腿西多士西多士食得多，加多少少花款，又可以變奏出新驚喜。一切開，芝士緩緩流出。一啖食齊芝士、火腿、麵包加糖漿，好rich呀！紅豆奶茶真係第一次飲紅豆奶茶，估唔到味道可以咁夾。香濃嘅奶茶香配搭甜甜又綿嘅紅豆，值得一試。