影片
更多
2010-02-28
187 浏览
在旺角熟食中心內，除了最最最人氣的食店--------澳門翠苑茶餐廳外，其實仲有好多經濟街坊之選，這裡雖然只係跟朗豪坊一天橋之隔，不過食店的價錢就真係平一大截啦，味道也算過得去添。好似呢間福來棧咁，嗰日本來自己想喺朗豪坊搵食嘅，不過諗諗下，過年呢排都出街食左好多餐，都係唔好餐餐都食咁貴啦，食番餐平平地的拉上補下吧，所以就來了熟食中心幫襯。翠苑已經幫襯過好幾次，今次一於轉下口味，隨機試試呢度其中一間食肆的手勢，就係呢間「福來棧茶餐廳」啦。]叫了兩個小菜套餐，連湯連飲品，盛惠$72。在朗豪坊食的話，呢個價錢真係一個人都未必得呀！不過當然啦，如果講裝修、情調、特色等，呢度就「輸硬」啦。兩個小菜分別係「西檸雞」同「時菜冬菇」。哈！兩味菜的味道又唔錯喎！西檸雞：味道好，檸檬汁酸度適中，十分開胃。D雞也厚身有肉，而且不會煎得過硬，不錯。時菜冬菇：呢味菜的時菜係普通不過的西生菜，加埋d冬菇，其實係好簡單易做的一咩家常餸而已，不過呢碟菜的份量都幾多，冬菇夠腍身，而且獻汁也勝在夠味而不過鹹，可算係及格有餘了。在這裡吃晚飯，每人平均只係三十來塊錢，已可吃到飽肚而歸，而且味道不差。下次來到這裡，除了翠苑外，
翠苑已經幫襯過好幾次，今次一於轉下口味，隨機試試呢度其中一間食肆的手勢，就係呢間「福來棧茶餐廳」啦。
]叫了兩個小菜套餐，連湯連飲品，盛惠$72。在朗豪坊食的話，呢個價錢真係一個人都未必得呀！不過當然啦，如果講裝修、情調、特色等，呢度就「輸硬」啦。
兩個小菜分別係「西檸雞」同「時菜冬菇」。哈！兩味菜的味道又唔錯喎！
西檸雞：味道好，檸檬汁酸度適中，十分開胃。D雞也厚身有肉，而且不會煎得過硬，不錯。
時菜冬菇：呢味菜的時菜係普通不過的西生菜，加埋d冬菇，其實係好簡單易做的一咩家常餸而已，不過呢碟菜的份量都幾多，冬菇夠腍身，而且獻汁也勝在夠味而不過鹹，可算係及格有餘了。
在這裡吃晚飯，每人平均只係三十來塊錢，已可吃到飽肚而歸，而且味道不差。下次來到這裡，除了翠苑外，又可以多一個選擇了。
张贴
