公車泰國餐廳

营业中

休息中

終於等到放寬晚市堂食，於是相約朋友晚飯相聚。公車泰國餐廳位於元朗西青街，又見環境都乾淨企理，價錢仲幾親民，二話不說就入去幫襯。泰式炸魚餅大大舊6件 ，外脆肉厚，實材實料！！泰式小食拼盤有炸魚餅，炸蝦片， 春捲同埋雞肉串燒。炸蝦片十分香脆 ，春捲入口熱辣辣。至於雞肉串，串燒淋上香濃沙嗲醬，十分惹味，而且香氣撲鼻。泰式海鮮炒飯配料非常豐富，有鮮蠔、鮮蝦、炒飯好乾身，有鑊氣，不過不失。總結：性價比超高 👍🏻仲要每碟都大大份 ，絕對抵食。座位之間闊落而架位為主。而家仲有抵食二人套餐!