影片
更多
2017-09-24
1263 浏览
廈門街有個奇景，就係呢間泰國食肆，廈門街正正響利東街隔離，呢兩條街所有食肆都係新式食肆，但唯獨呢間係N年前已存在嘅老鋪，由電車路嘅街頭一直行到街尾，就會見到一間唔起眼、好街坊兼無裝修嘅泰國小店喇！正因爲裝修簡陋同少客人，先到步嘅媽咪對佢無乜信心，我當然極力說服佢試下啦，反正一餐半餐又唔貴，話晒叫街坊嘛，住咗附近廿幾年都唔知有呢間小店，真可笑😆！但到大約八點左右，人客開始多，甚至要坐到出街，仲有好多好多外賣自取，就証明佢一d都唔簡單！炸蝦餅 $70價錢略貴，但味道唔錯，炸到金黃色香脆可口，蝦有蝦味，肉質實在，可以一試😋泰式炒金邊粉(雞) $60上枱一刻目測覺得金邊粉太濕，但食落質感又唔錯，越食越開胃，雞件又多又入味，推介👍🏻晚餐A-咸魚肉碎炒飯 $55夜晚都有幾款套餐，最啱我呢d有選擇困難症嘅人，個飯炒得又香又有鑊氣，好大碟好抵食，仲要包埋嘢飲😁椰汁冰 $18呢個價平到無朋友，重點係可以揀全綠色料或紅綠色料三人共消費：$206
正因爲裝修簡陋同少客人，先到步嘅媽咪對佢無乜信心，我當然極力說服佢試下啦，反正一餐半餐又唔貴，話晒叫街坊嘛，住咗附近廿幾年都唔知有呢間小店，真可笑😆！但到大約八點左右，人客開始多，甚至要坐到出街，仲有好多好多外賣自取，就証明佢一d都唔簡單！
炸蝦餅 $70價錢略貴，但味道唔錯，炸到金黃色香脆可口，蝦有蝦味，肉質實在，可以一試😋
泰式炒金邊粉(雞) $60上枱一刻目測覺得金邊粉太濕，但食落質感又唔錯，越食越開胃，雞件又多又入味，推介👍🏻
晚餐A-咸魚肉碎炒飯 $55夜晚都有幾款套餐，最啱我呢d有選擇困難症嘅人，個飯炒得又香又有鑊氣，好大碟好抵食，仲要包埋嘢飲😁
椰汁冰 $18呢個價平到無朋友，重點係可以揀全綠色料或紅綠色料
三人共消費：$206
张贴
