金玉滿糖冰室糖水 (已結業)

我哋成家都鍾意食榴槤，突然想過下榴槤癮，就會落街食呢個"榴槤豆腐爽 " 金玉滿糖呢間冰室真係睇住佢由茶餐廳成功轉型到做甜品舖，我哋當中一定要有人點榴槤豆腐爽 ，金枕頭榴槤份量非常慷慨，而且非常幼滑！而豆腐爽食落冇咩味，雖然冇咩豆味，但勝在質感好正，唔係蒟蒻或大菜糕咁硬身咁濟，有少少似果凍咁，好爽！ 而且因為豆腐爽味道淡，所以完全可以被榴槤蓉盡情發揮！每一口都好香榴槤味，人生享受啊 .芒果豆腐爽都好鍾意，賣相鮮艷，成碗都密舖芒果肉同淋滿芒果汁，真係食落好消暑解渴:like 有時唔知點解，甜品真係想食d濕濕地 )芒果肉唔係話好甜，始終唔係當造，但都係揀佐好熟的芒果去整架啦！整體都非常不錯！