影片
更多
2018-09-02
776 浏览
不知不覺，神座已陪伴我整整十年，變成我的半個住家食堂。曾經穿著校服和同學仔結伴來食lunch，也曾在除夕夜一人獨自造訪，每當我身心疲憊、不知想食甚麼的時候，就會自然而然地回到這裡，記憶中熟悉的玄米茶香氣、十年如一日的定食味道總能安撫我的心。今天不幸有些感冒，無咩胃口試新餐廳，又不想長途奔波，就和中同一起到這裡隨便吃吃。定食我已食過N次，基本上款款都幾好味，今次就只叫一客燒鰻魚定食，另外散叫壽司手卷串燒分食。好耐無食海膽，叫了加拿大海膽壽司（$75）過下口癮。海膽份量足，新鮮滑溜，溶入口中散發出微微的海水花生香氣，食完稍帶回甘。壽司飯就略酸，紫菜唔夠爽脆。不過以$75兩件黎講咁既海膽質素都唔算呃秤。軟殼蟹牛油果手卷（$42）和三文魚籽手卷（$45），軟殼蟹雖是室溫，但都極之香脆，加上牛油果和沙律醬更是絕妙搭配，如果蟹再大隻d就好了。冰冰涼涼的三文魚籽飽滿透亮，汁水鮮香而不會死鹹，可惜嚼極唔爛既紫菜仍然是一大敗筆。食完生冷野之後自然會想食熱騰騰的食物落肚，於是我的最愛——日本黑豬腩串燒（$52）閃亮登場✨只見那燒豬腩肉肥瘦相間，厚薄得宜，瘦肉無渣無騷味，肥肉卜卜脆地爆汁，一啖一片一掃而空很
不知不覺，神座已陪伴我整整十年，變成我的半個住家食堂。曾經穿著校服和同學仔結伴來食lunch，也曾在除夕夜一人獨自造訪，每當我身心疲憊、不知想食甚麼的時候，就會自然而然地回到這裡，記憶中熟悉的玄米茶香氣、十年如一日的定食味道總能安撫我的心。
今天不幸有些感冒，無咩胃口試新餐廳，又不想長途奔波，就和中同一起到這裡隨便吃吃。定食我已食過N次，基本上款款都幾好味，今次就只叫一客燒鰻魚定食，另外散叫壽司手卷串燒分食。
加拿大海膽壽司
$75
25 浏览
0 赞好
0 留言
好耐無食海膽，叫了加拿大海膽壽司（$75）過下口癮。海膽份量足，新鮮滑溜，溶入口中散發出微微的海水花生香氣，食完稍帶回甘。壽司飯就略酸，紫菜唔夠爽脆。不過以$75兩件黎講咁既海膽質素都唔算呃秤。
軟殼蟹牛油果手卷
$42
31 浏览
0 赞好
0 留言
軟殼蟹牛油果手卷（$42）和三文魚籽手卷（$45），軟殼蟹雖是室溫，但都極之香脆，加上牛油果和沙律醬更是絕妙搭配，如果蟹再大隻d就好了。冰冰涼涼的三文魚籽飽滿透亮，汁水鮮香而不會死鹹，可惜嚼極唔爛既紫菜仍然是一大敗筆。
黑豚角串燒
$62
32 浏览
0 赞好
0 留言
食完生冷野之後自然會想食熱騰騰的食物落肚，於是我的最愛——日本黑豬腩串燒（$52）閃亮登場✨只見那燒豬腩肉肥瘦相間，厚薄得宜，瘦肉無渣無騷味，肥肉卜卜脆地爆汁，一啖一片一掃而空很好很爽皮。咁靚仔的黑豬腩不必濃妝豔抹，只用鹽&黑椒&檸檬汁調味，更帶出本身的肉質鮮美。
燒鰻魚定食
$95
35 浏览
0 赞好
0 留言
秋風起，又是鰻魚當令的季節（好似係）這裏的燒鰻魚定食（$95）照舊走簡約風，擺盤、份量、味道也如多年前食過的無多大分別。照燒鰻魚鬆鬆化化很好入口，照燒汁香甜，如果再多d汁俾人撈飯就一舉兩得。呢間既定食普遍份量不大，飯量目測只有出邊定食的一半，正好給你一個理由試下其他串燒和壽司刺身😏
食畢走出大門，忽有涼意，原來今年的秋天已早早降臨。好在肚中有餘糧，心中也安定些。這間做街坊生意的小小食店，堅持十年依然屹立不倒，除了食物水準keep得好之外，或許因為西環街坊也和我一樣，想在時境變遷中尋找一個不變的落腳點吧。
寫下這些點滴絮叨，已不能算是食評，權當日記隨筆罷。
张贴
